Tumahi IAS Kase Vahal By Dr. Vijay Agrawal

डॉ. विजय अग्रवाल हे माजी राष्ट्रपती डॉ. शंकरदयाळ शर्मा यांचे खासगी सचिव होते. सिव्हिल सर्व्हिसमध्ये ते 1983 साली दाखल झाले. पुढे डॉ. अग्रवाल यांनी स्वेच्छानिवृत्ती घेतली आणि सध्या अभ्यास, लेखन तसेच आयएएसची तयारी करणार्‍या विद्यार्थ्यांना मार्गदर्शन करण्यासाठी ते त्यांचा वेळ देत आहेत. त्यांची ‘पढो तो ऐसे पढो’, ‘स्टूडेंट और टाईम मॅनेजमेंट’, ‘स्टूडेंट और पर्सनॅलिटी डेव्हलपमेंट’ ही हिंदी भाषेतील पुस्तके अत्यंत लोकप्रिय आहेत. लेखक विजय अग्रवाल यांनी ‘रोजगार समाचार’ तसेच ‘रोजगार निर्माण’ या नियकालिकांसाठी दीर्घकाल लेखन केले आहे. त्यातील त्यांचे लेख अत्यंत लोकप्रिय आहेत. विविध राष्ट्रीय तसेच आंतरराष्ट्रीय मुद्द्यांवरील डॉ. अग्रवाल यांचे लेख देशातील सर्व महत्त्वपूर्ण नियतकालिकांमध्ये सातत्याने प्रकाशित होत असतात. डॉ. अग्रवाल मागील 20 वर्षांपासून आयएएसच्या परीक्षेला बसणार्‍या विद्यार्थ्यांना मार्गदर्शन करत आले आहेत. ते स्वतः अनेक विश्वविद्यालये तसेच राष्ट्रीय स्तरावरील संस्थांसाठी सन्माननीय मार्गदर्शक म्हणून कार्यरत आहेत.