Teesari Kasam Aani Itar Katha By Madhukar Dharmapurikar

ज्येष्ठ हिंदी साहित्यिक फणीश्वरनाथ रेणु यांचे 

2021 हे जन्मशताब्दी वर्ष. 

त्यांच्या गाजलेल्या निवडक अशा आठ कथा आणि 

त्याविषयीच्या टिपणांचा हा संग्रह. 

लेखक-अनुवादक मधुकर धर्मापुरीकर यांनी सिद्ध केलेला.

फणीश्वरनाथ रेणु यांच्या साहित्याबद्दल हिंदीतल्या 

मान्यवर समीक्षकांचे हे काही अभिप्राय 

रेणु यांच्या लेखन वैशिष्ट्यांचे यथार्थ वर्णन करतात : 

मुन्शी प्रेमचंद यांच्या परंपरेचे उत्तराधिकारी म्हणून 

रेणु यांचे नाव घेतले जाते. त्यांच्या गोष्टीवेल्हाळ शैलीमध्ये 

मातीचा गंध आणि लोकसंगीताचा प्रत्यय देणारी जुगलबंदी असते, जी वाचकांच्या मनावर एक अमीट अशी छाप सोडते.

- ऋत्विक राय

रेणु यांची एका शब्दात ओळख सांगायची झाल्यास 

असे म्हणता येईल की, ते हिंदी साहित्याचे ‘मृदंगी’ आहेत- लोकसंगीतात रमलेले मृदंगी. 

त्यांनी साहित्याच्या माध्यमातून संगीत प्रतिध्वनित केले.

- अवधेश प्रधान