Radha By Anil Sahasrabuddhe

गृहे राधा वने राधा                          राधा पृष्ठे पुरः स्थिता ।
यत्र यत्र स्थिता राधा                       राधा नेत्रे हृदि स्थिता ॥1॥
जिह्वा राधा श्रुतौ राधा                    राधा नेत्रे हृदि स्थिता ।
सर्वांगव्यापिनी राधा                       राधैवाराध्यते मया ॥2॥
पूजा राधा जपो राधा                       राधिका चाभिवन्दने ।
स्मृतौ राधा शिरो राधा                    राधैवाराध्यते मया ॥3॥
गाने राधा गुणे राधा                       राधिका भोजने गतौ ।
रात्रौ राधा दिवा राधा                      राधैवाराध्यते मया ॥4॥
माधुर्ये मधुरा राधा                         महत्त्वे राधिका गुरुः ।
सौन्दर्ये सुन्दरी राधा                      राधैवाराध्यते मया ॥5॥
राधा रससुधासिन्धु                        राधा सौभाग्यमंजरी ।
राधा वज्रांगनामुख्या                      राधैवाराध्यते मया ॥6॥
राधा पद्मानना पद्मा                        पद्मोद्भवसुपूजिता ।
पद्मे विवेचिते राधा                         राधैवाराध्यते मया ॥7॥
राधा कृष्णात्मिका नित्यं                कृष्णो राधात्मको ध्रुवम् ।
वृन्दावनेश्वरी राधा                        राधैवाराध्यते मया ॥8॥
जिह्वाग्रे राधिकानाम