J. Krushnamurtinchi 51 Preranadayi Jivansutre By Navnath Jagtap , Arti Sathe (जे. कृष्णमूर्तीची ५१ प्रेरणादायी जीवनसूत्रे नवनाथ जगताप | आरती साठे )

जे. कृष्णमूर्ती हे विसाव्या शतकातील एक महान तत्त्ववेत्ते आणि द्रष्टे विचारवंत होते. 'सत्य हा एक मार्गहीन प्रदेश आहे' असे ठामपणे सांगणाऱ्या कृष्णमूर्तींचे विचार कोणत्याही विशिष्ट धर्म, संप्रदाय किंवा रूढ विचारधारेत अडकलेले नाहीत. 'जे. कृष्णमूर्तीची ५१ प्रेरणादायी जीवनसूत्रे' हे पुस्तक त्यांच्या याच अथांग, मुक्त आणि वैश्विक विचारधारेचा वेध घेते. मानवी मन, विचारप्रक्रिया, भीती, प्रेम, नातेसंबंध आणि आंतरिक शांती यांसारख्या आयुष्यातील अत्यंत गुंतागुंतीच्या प्रश्नांवर त्यांनी दिलेले ५१ निवडक व मार्मिक विचार या पुस्तकात अत्यंत ओघवत्या भाषेत मांडले आहेत. हे विचार माणसाला स्वतच्याच आत डोकावण्यास आणि पूर्वग्रहांच्या चष्म्यातून मुक्त होऊन वास्तवाकडे तटस्थपणे पाहण्यास प्रवृत्त करतात. रुढ समजुतीच्या साखळदंडातून मनाला मुक्त करून खऱ्या अर्थाने स्वतंत्र, सजग आणि आनंदी जीवन जगण्यासाठी हे पुस्तक एक उत्तम मार्गदर्शक ठरते. आंतरिक शांतीच्या शोधात असलेल्या प्रत्येक वाचकाने आवर्जून वाचावे आणि मनन करावे असे है एक अत्यंत प्रगल्भ पुस्तक!