HEDAM by MAHADEV MORE

नोकरी करणारी वधू हवी, अशी जाहिरात पेपरात देऊन अनेक तरुणींना फसवणारा प्रेमनाथ...टेम्पोच्या व्यवसायातील धक्कादायक अनुभवामुळे लोकांनी वेडा ठरवूनही वडापाव तळून जीवनाला सामोरा जाणारा एंकटेश...मुलगा म्हशीवरून पडल्यावर त्याच्या हातावर गावठी उपचार करून आफत ओढवून घेणारा संबा...दादल्याच्या त्रासाने पिचून मरून जाणारी कथानायकाची आत्या...मुस्लीम प्रेयसीचं लग्न दुसर्‍या कुणाशीतरी झाल्यावर तिच्या आत्महत्येने जीवनातून उठलेला आणि मृत्यूनंतर आपलीही कबर बांधण्यात यावी, अशी इच्छा बाळगणारा महाराजा... श्रीनगरच्या सृष्टिसौंदर्याच्या प्रेमात पडलेला, हिंदी-इंग्रजी भाषांचा अभ्यास केलेला, प्रेमात अपयशी ठरलेला वांगचू... या व अशाच वास्तव व्यक्तिरेखांचं आणि जगाआडच्या जगाचं दर्शन घडवणार्‍या महादेव मोरे यांच्या व्यामिश्र कथा.